5. Igikombe cy’amakipe y’ibihugu “Coupe des nations CECAFA”

Icyo gikombe cyatangiye gukinirwa mu mwaka w’1973, kikaba gihuza amakipe y’ibihugu byo muri Afurika yo hagati no mu burasirazuba : (Kenya, Rwanda, Uganda, Tanzaniya, Burundi, Djibouti, Zanzibar, Etiyopiya, Sudani na Somaliya).

Dore uko amakipe y’u Rwanda yageze ku mukino wa nyuma (final) yagiye yitwara :

1999 : U Rwanda rwahagarariwe n’amakipe abiri (AmavubiA n’Amavubi B). Amavubi B niyo yegukanye icyo gikombe atsinze ikipe ya Kenya ibitego 3 kuri 1, naho Amavubi A atahana umwanya wa gatatu atsinze nyuma ya za penaliti ikipe y’Uburundi ibitego 3 kuri 2.

2001 : U Rwanda rwongeye koherezayo amakipe 2 maze Amavubi A yegukana umwanya wa gatatu atsinze Amavubi B igitego 1 kuri 0.

2002 : Amavubi yegukanye umwanya wa gatatu atsinze ikipe ya Uganda ibitego 2 kuri 1.

2003 : Amavubi yageze ku mukino wa nyuma bita final maze igikombe kiyaca mu myanya y’intoki, kuko yatsinzwe n’ikipe ya Uganda ibitego 2 kuri 0.

2005 : Amavubi yageze ku mukino wa nyuma bita final maze igikombe cyongera kuyaca mu myanya y’intoki, kuko icyo gihe yatsinzwe n’ikipe ya Etiyopiya igitego 1 kuri 0.

2006 : Amavubi yegukanye umwanya wa gatatu atsinze nyuma ya za penaliti ikipe ya Uganda ibitego 4 kuri 2.

2007 : Amavubi yageze ku mukino wa nyuma bita final maze igikombe cyongera kuyaca mu myanya y’intoki, kuko icyo gihe yatsinzwe nyuma ya za penaliti n’ikipe ya Sudani igitego 4 kuri 2.

2009 : Amavubi yageze ku mukino wa nyuma bita final maze igikombe cyongera kuyaca mu myanya y’intoki, kuko icyo gihe yatsinzwe n’ikipe ya Uganda ibitego 2 kuri 0.

2011 : Amavubi yageze ku mukino wa nyuma bita final maze igikombe cyongera kuyaca mu myanya y’intoki, kuko icyo gihe yatsinzwe nyuma yo gutera za penaliti n’ikipe ya Uganda ibitego 3 kuri 2.

6. Igikombe “CECAFA Inter-club” – “Coupe Kagamé Inter-club”

Icyo gikombe cyatangiye gukinirwa mu mwaka w’1974, kikaba gihuza amakipe yo muri Afurika yo hagati no mu burasirazuba : (Kenya, Rwanda, Uganda, Tanzaniya, Burundi, Djibouti, Zanzibar, Etiyopiya, Sudani na Somaliya) yatsindiye igikombe cya shampiyona iwayo.

Guhera mu mwaka 2002 iki gikombe cyahinduye izina maze cyitwa “Coupe KAGAME Inter-club” cyitiriwe Perezida w’u Rwanda w’ubu, KAGAME Paul, kubera akayabo k’amafaranga menshi atanga mu gushyigikira iryo rushanwa.

Perezida Paul KAGAME (ahereza igikombe), iruhande rwe ni Issa HAYATOU Perezida w’ishyirahamwe ry’umupira w’amaguru rya Afurika mu magambo ahinnye CAF.

Dore uko amakipe y’u Rwanda yageze ku mukino wa nyuma (final) yagiye yitwara :

• 1996 : APR FC (Rwanda) – Simba SC (Tanzaniya) 0-1
• 1998 : Rayon Sports (Rwanda) – Mlandenge (Zanzibar) 2-1
• 2000 : APR FC (Rwanda) – Tusker FC (Kenya) 1-3
• 2004 : APR FC (Rwanda) – Ulinzi Stars (Kenya) 3-1
• 2005 : APR FC (Rwanda) – Villa FC (Uganda) 0-3
• 2007 : APR FC (Rwanda) – Ura FC (Uganda) 2-1
• 2009 : ATRACO FC (Rwanda) – Al Merreikh (Sudan) 1-0
• 2010 : APR FC (Rwanda) – Saint-George (Etiyopiya) 2-0