{"id":40,"date":"2013-02-11T17:27:47","date_gmt":"2013-02-11T16:27:47","guid":{"rendered":"http:\/\/ruhago-impitagihe.com\/?page_id=40"},"modified":"2013-06-09T12:00:25","modified_gmt":"2013-06-09T10:00:25","slug":"ruhago-nabafana-bayo","status":"publish","type":"page","link":"https:\/\/ruhago-impitagihe.com\/rw\/ruhago-nabafana-bayo\/","title":{"rendered":"Ruhago n\u2019abafana bayo"},"content":{"rendered":"

Bariya bana batangira bakina umupira mu ngo zabo, ku muhanda, mu mashuri,\u2026\u2026\u2026. bariya bakuru bawuhirimbanira ari abakinnyi cyangwa se ababashyigikiye, kuriya kuwuvuga no kuwamamaza kuri Radiyo no kuri Televiziyo \u2026\u2026. ku buryo bw\u2019imbangikane, uko gukura kuwo mukino kujyana n\u2019ibindi byitwa \u201eUBUFANA\u201c.<\/p>\n

1. Ubufana ni iki ?<\/h3>\n

Iryo jambo rigendana n\u2019irindi ryitwa \u201eUMUFANA\u201c <\/i><\/b>bikaba bivuga umuntu watwawe kubera undi muntu cyangwa se ikintu. Niho rero wunva bavuga umufana w\u2019ikipe iyi n\u2019iyi mu byerekeye imikino, w\u2019umuririmbyi uyu n\u2019uyu ku byerekeye indirimbo n\u2019ibindi\u2026\u2026.<\/p>\n

Ku byerekeye ubufana, urutonde rw\u2019amagambo muri LAROUSSE rusobanura iryo jambo gutya: ugutwarwa kugeraho kugakabya, cyane cyane mu byerekeye idini, ipariti ya politike, n\u2019ibindi\u2026\u2026\u2026 Icyo gitabo ntikivuga ibyerekeye imikino, ari naho umuntu yahera avuga ko gukoresha iryo jambo mu mupira w\u2019amaguru ari ugushyoma.<\/p>\n

Tudakomeje kwitsitsa cyane ku ndimi, dufate ko dukoresha iryo jambo dushaka kuvuga uko gutwarwa gushobora gutuma abashyigikiye amakipe bamwe barenza urugero. Kutemera gutsindwa kw\u2019amakipe yabo, mu mpanvu iyo ari yo yose ni icyita rusange ku bafana kuko baba batwawe n\u2019imbaraga zirenze ugutekereza kwabo akaba ari zo ziyobora imyifatire yabo. Kuri bo icyemezo cyose cyirwanya ikipe yabo n\u2019iyo cyaba nta mugayo, kiri mu nzira igaragara, gifatwa nk\u2019aho ari ukubera cyangwa se kubendereza.<\/p>\n

2. Nta mukino utagira abawushyigikira.<\/h3>\n

Ku bibuga byinshi by\u2019umupira w\u2019amaguru, dukunze kunva induru y\u2019abafana abavuza ingoma, inzumbeti, amahoni y\u2019imodoka n\u2019ibindi babyambariye kuva ku nkweto kugeza ku misatsi bogeza amakipe yabo ari ibicika, abandi bananiwe kugera ku kibuga kogeza, bakawukurikiranira kuri radiyo cyangwa televiziyo nabo kandi imanza ziba ari urudaca. Iyo umupira urangiye,\u2026\u2026. animasiyo aba ari yose, baririmba ikipe yatsinze naho abafana b\u2019ikipe yatsinzwe bakonje bipfumbase, ariko nabo ntibakitwaze abasifuzi ngo twatsinzwe, tuzize umusifuzi, bamenye ko akora akazi ke uko ashoboye, akurikije amategeko y\u2019umukino kandi ko atabera.<\/p>\n

Rimwe na rimwe ariko kariya kaziga k\u2019umupira twita Ruhago gatera intambara bigatinda. Ubufana bukabije, butuma abantu batongana bigacika, bakarwana, bagakomereka ndetse bamwe bagapfa, ubwo bufana burangwa n\u2019ugutwarwa kuri hejuru y\u2019ubwenge n\u2018 ubwo kwamagana rwose.<\/p>\n

\u00a03. Umuntu ushyigikiye ikipe ye ku buryo busanzwe n\u2019umufana batandukaniye he ?<\/h3>\n

Mu by\u2019ukuri n\u2019ubwo bombi bashyigikira amakipe yabo kandi bose bagahora bifuza kuyabona yatsinze, umuntu ushyigikiye ikipe ye mu buryo busanzwe aba afite igitekerezo cyo kubona ikipe ye yitwara neza ibyo bita mu rurimi rw\u2019igifaransa (Fair-play) kandi akemera ko ikipe ye yatsinzwe ku mugaragaro, nk\u2019igihe yahuye n\u2019indi iyirusha gukina koko. Naho abafana bakabije ibyo bitekerezo ntabyo bagira, kuba bifuza gutsimbarara ku bufana bwabo burenze igaruriro, umuntu yabagira inama yo gushakisha ubufana bumurikiwe bakarwanya ubufana buhumye. Gukunda rero ikipe yawe, ukayishyigikira mu mahoro, ni ngombwa kugira ngo n\u2019umutekano ku bibuga usugire usagambe.<\/p>\n

4.\u00a0Amafoto ya<\/strong> bamwe mu bakunda umupira n’abafana bawo.<\/strong><\/h3>\n